Blog Droed

Hynt a helynt ffan ffwtbol Cymraeg ...

Antonio Puerta 1984 - 2007

28.8.07

Daeth newyddion brawychus o drist heddiw 'ma fod chwaraewr rhyngwladol Sbaen, Antonio Puerta o glwb Sevilla, wedi marw yn 22-mlwydd-oed.

Disgynnodd Puerta i'r llawr wedi hanner awr o'r gêm yn erbyn Getafe nos Sadwrn a chredir ei fod wedi dioddef sawl trawiad ar ei galon.

Dymuna blogdroed pob cydymdeimlad i'w deulu ifanc. Heddwch ei lwch.

Labels: ,

Cwpan y BYD?

Tra bo'r timau rygbi'n paratoi ar gyfer Cwpan y Byd yn Ffrainc ymhen ychydig ddyddiau, mae'r gemau rhagbrofol wedi cychwyn ar gyfer y Cwpan y Byd go iawn ... Cwpan y Byd pêl-droed 2010 yn Ne Affrica.

Yn Apia, Samoa llwyddodd Fiji i drechu Tuvalu 16-0 gydag Ynysoedd y Solomon yn chwalu American Samoa 12-1 ddydd Sadwrn. Roedd Vanuatu yn fuddugol 4-0 yn erbyn Samoa a llwyddodd New Caledonia i ennill 1-0 yn erbyn Tahiti.

Bydd 'na 204 o wledydd yn cystadlu yng Ngwpan y Byd 2010 - mwy o wledydd nag erioed o'r blaen - a bydd yr enwau'n dod allan o'r het ar gyfer grwpiau rhagbrofol Ewrop, Asia, Affrica, Gogledd a Chanol America a De America yn Durban ar 25 Tachwedd.

Labels: , , , , , , , ,

Bwlgaria 0-1 Cymru

25.8.07
Tymor 2007/08: Gêm #4
Roedd hi'n uffernol o boeth ar arfordir y Môr Du ar gyfer y gêm yma - roedd hi'n ddigon anodd ffeindio’r egni i godi pot peint heb sôn am redeg o gwmpas cae pêl-droed am 90 munud!

Roedd 'na siom aruthrol i'r cefnogwyr selog wrth i ni gyrraedd y maes i ddarganfod bod Cymdeithas Bêl-droed Bwlgaria wedi bod yn gwerthu tocynnau ar gyfer ein heisteddle ni yn y resorts gwyliau cyfagos.

O'r herwydd, roedd 'na lond lle o grysau West Ham, Aston Villa, Man City a ... gulp ... gasp ... gulp ... Lloegr!! Ia - crysau Lloegr mewn eisteddle ar gyfer cefnogwyr CYMRU - ac i wneud pethau'n waeth, roedd 'na un ffŵl dwl wedi clymu baner San Siôr i'r ffens efo fflagiau'r Cymry!

Diolch i'r drefn, roedd heddlu o Gymru allan yn Bourgas ac fe gawsom ni'r Cymry ein hebrwng i floc gwahanol o seddi ... ac fe roddodd dau o gefnogwyr Caerdydd eu Draig Goch dros ben baner San Siôr ar y ffens!

O ran y gêm, dwi'n credu bod Wayne Hennessey a Freddy Eastwood wedi dwyn y penawdau i gyd, ond mae'n rhaid i mi dalu teyrnged i David Vaughan. Fe weithiodd Vaughan mor galed trwy gydol y gêm a 'dwi'n credu iddo chwarae'n well na 'dwi erioed wedi gweld o'n chwarae yng nghrys coch Cymru.

Roeddwn i'n poeni ychydig pan glywes i ei fod o'n mynd i symud i Real Sociedad gan nad oeddwn i'n meddwl fod o'n ddigon corfforol i allu ymdopi â'r gêm yn Sbaen. Ond o'r hyn weles i yn Bourgas, fe ddylai fod yn gaffaeliad i'r tîm o Donostia.

Labels: , , , , , , ,

Wrecsam 2-1 Morecambe

Tymor 2007/08: Gêm #3
Fues i ar Y Cae Ras y Sadwrn diwethaf ar gyfer gêm gyntaf y tymor y Dreigiau ar eu tomen eu hunain.

Roedd yn od gweld y Kop yn wag ar gyfer gêm gynghrair ar Y Cae Ras, ond roedd y clwb wedi penderfynu peidio gweud cais am Drwydded Diogelwch arbennig gan yr awdurdod lleol tra bo'r gwaith datblygu yn mynd ymlaen tu ôl i'r teras hanesyddol.

Er hynny, roedd 'na awyrgylch gwych yn ystod yr hanner cyntaf, yn enwedig wedi i Michael Proctor rwydo dwy gôl hyfry i roi'r Dreigiau 2-0 ar y blaen.

Ond yn yr ail hanner fe ddaeth Morecambe yn ôl gyda'r newydd ddyfodiaid yn newid eu patrwm chwarae a dod yn fwy corfforol a llwyddodd Jon Newby i sgorio yn erbyn Wrecsam ... eto!

Mae Newby yn sgorio yn ein herbyn ni o hyd ... ond pan oedd o ar fenthyg ar Y Cae Ras y tymor diwethaf, methodd a rhwydo'r un gôl!

Beth bynnag, roedd yn siomedig i weld Wrecsam yn ildio cymaint o'r chwarae unwaith bo Sammy McIlroy wedi dweud wrth ei dîm i chwarae'n fwy corfforol gan mai dyma'r math o chwarae mae Wrecsam yn debygol o'i wynebu o wythnos i wythnos yn y bedwaredd adran.

Y gobaith yw mai blip oedd yr ail hanner ac unwaith bo Steve Evans yn holliach unwaith eto y bydd yr amddiffyn yn gallu ymdopi'n well efo bwlis yr adran!

Labels: , ,

Croeso i Gaerdydd Robbie

20.8.07
Wel, roedd yn anochel y byddai stori fel hon yn ymddangos rhyw bryd, ond dwi wedisynnu ei bod hi wedi ymddangos mor gynnar yn y tymor. Ym mhapur newydd y Wales on Sunday ddoe roedd 'na stori bod Robbie Fowler wedi ei weld yn yfed mewn bar yn y ddinas y oriau man bore Sadwrn ... wel wpi dw!

Mae'r boi wedi cael penwythnos rhydd gan ei reolwr, Dave Jones, ac wedi penderfynu mynd am beint ... ble goblyn mae'r stori?

But the trainee accountant said: “Fowler is seen as a God by fans but to me, he has set a bad example by getting drunk like this. He should know better.

“Cardiff fans will be stunned to see these pictures. My mate took them as we felt we had a duty to let fans know what is going on.

Ia, wel fel hyn dwi'n darllen hwn:
“Cardiff fans will be stunned to see these pictures. My mate took them as we felt we could make a few quid selling the pics to the papers, but nobody at the News of the World was interested so we came to the Wales on Sunday instead.

Labels: , ,

Llanerchymedd 3-0Y Fali

11.8.07
Tymor 2007/08: Gêm #2

Ychydig wythnosau yn ôl nes i sôn cymaint yr oeddwn i'n edrych ymlaen at y tymor newydd yng Nghynghrair Môn gan fod 'na dîm o'r Fali yn ôl yn y gynghrair am y tro cyntaf ers pum mlynedd.

Wel heddiw, yn hytrach 'na theithio i Darlington ar gyfer gêm agoriadol Wrecsam yng Adran Dau, fe benderfynais i fynd i Gae Tan Parc, Llanerchymedd ar gyfer gêm agoriadol Y Fali yn yr Anglesey Lîg.

Dwi'n siwr y bydd rhai o chwaraewyr ifanc Y Fali yn deffro bore fory gyda choesau stiff a chlais neu ddau wedi gêm galed a chorfforol yn erbyn tîm profiadol y Llan.

Colli oedd hanes Y Fali ond mae 'na le i gredu bod dyfodol disglair i'r clwb o gofio cyfartaledd oedran y bois oedd ar y maes heddiw. Ond yr hyn nath fy mhlesio i yn fwy na dim byd arall oedd cymaint o chwaraewyr oedd yn y tîm heddiw oedd wedi chwarae i dimau dan-9, dan-11 neu dan-13 y pentref yn y gorffennol.

Bore fory bydd timau dan-9 a dan-11 presenol y clwb yn dechrau eu hymarferion ar gyfer y tmyor newydd a dwi'n gobeithio y bydd nifer ohonyn nhw yn dilyn ôl traed rhai o'r bois ifanc frwydrodd mor ddewr heddiw - dyna, i mi, ydi'r nod i ni fel clwb ac fel hyfforddwyr timau iau.

Labels: , , , ,

Blymin' awê gôls ...

3.8.07
Roedd na siom aruthrol i'r Rhyl yn Valkeakoski neithiwr wrth i FC Haka rwydo dwy gôl mewn dau funud yn Valkeakoski er mwyn sicrhau bod y gêm yn gyfartal 3-3 dros y ddau gymal.

Ac am y trydydd tro'r tymor yma mae tîm o Gymru'n colli ar y rheol goliau oddi cartref. Cafoddd Llanelli gêm gyfartal 6-6 efo Vetra Vilnius o Lithiwania cyn i'r Seintiau sicrhau gêm gyfartal 4-4 efo Ventspilso Latfia ond mae'r tri chlwb allan o Ewrop oherwydd y rheol gfoliau oddi cartref bondigrybwyll 'ma.

Dwi ddim yn siwr beth ydi manteision y rheol yma bellach. Fe gafodd ei gyflwyno pan fod teithio dramor yn rhywbeth digon anghyffredin, yn enwedig i lefydd tu ôl i'r llen haearn. Ond yn nyddiau Ryan Air ac EasyJet mae'n ddigon cyfleus i ymweld a bron i unrhyw ran o Ewrop.

Ac mae hynny'n dod a fi'n ddigon taclus at fy ail rant ... mae Uefa yn trefnu gemau rhagbrofol Cwpan Uefa y rhanbarthol, ond dwi wir ddim yn deall y rhesymeg.

Dim pêl-droed yn ystod yr haf ydi'r ateb i dimau Cymru ond draw agored lle mae modd i'r clybiau Cymreig wynebu timau o pob rhan o Ewrop. Wrth osod timau Cymru yn y rhanbarth ogleddol efo timau Scandinafia a gwledydd y Baltic mae nhw'n siwr o orfod herio timau sydd hanner ffordd trwy eu tymor, ond pam na chaiff y Cymry herio timau o Montenegro, Croatia, Cyprus, Melita, Macedonia ayyb sydd hefyd yn chwarae pêl-droed yn ystod y gaeaf?

Y rheswm mae Uefa wedi ei roi am osod y clybiau'n rhanbarthol ydi ceisio atal costau teithio anferthol, ond y gwir amdani ydi bod teithio i unrhyw ran o Ewrop yn gymharol rhad y dyddiau hyn.

Yn amlwg mae dod allan o'r het i wynebu tîm o Georgia, Azerbaijan neu Kazahkstan yn golygu taith gostus, ond dyna ni, dyna ydi'r luck of the draw, fel dywed y Sais.

Hefyd, dwi'n rhagweld sefyllfa ymhen ychydig o flynyddoedd lle mae chwarae yn Ewrop yn mynd i fod yn ddiflas tu hwnt i dimau Cymru gyda taith arall i Latfia, Ffindir neu Norwy.

Mae angen agor y draw allan er mwyn sicrhau bod diddordeb y cefnogwyr yn parhau - roedd yn arfer bod yn hwyl gwylio'r enwau'n dod allan o'r het a cheisio canfod gwybodaeth am Valleta, HIT Gorica neu Shamkir ond erbyn hyn, 'da ni'n gweld yr un hen enwau o'r un hen wledydd.

Bois bach, di petha' ddim fel buo nhw!

Labels: , , ,