Blog Droed

Hynt a helynt ffan ffwtbol Cymraeg ...

Y Gosb eithaf i Tevez

29.11.06
Ymatebodd Carloz Tevez yn chwyrn i gael ei eilyddio gan West Ham ddydd Sadwrn ac yn lle aros i wylio gweddill y gêm yn erbyn Sheffield United, cafodd gawod sydyn cyn neidio i'w ddillad a gyrru adref.

Mae rheolwr yr Hammers, Alan Pardew, wedi dweud wrth gweddill y garfan mai nhw fydd yn penderfynu ar gosb Tevez felly yn ogystal â rhoi canran o'i gyflog i Ysbyty Great Ormond, mae seren ifan Ariannin yn gorfod ymarfer am bythefnos mewn crys Brasil!

Labels: , , ,

JP pwy?

23.11.06
Mae'r clasur yma yn dod o Bapur Bro Caernarfon, Papur Dre:

Labels: ,

Ferenc Puskas

20.11.06
Bu farw Ferenc Puskas yn 79-mlwydd-oed ddydd Gwener. Er na weles i'r Galloping Major yn chwarae erioed, ac er bod y lluniau du a gwyn ohonno'n brin iawn, nid oes unrhyw amheuaeth ei fod yn gawr yn y byd pêl-droed.



Ond mae diweddglo trist i'r stori. Bu farw Puskas yn gaeth i ystafell wely mewn ysbyty yn Budapest gan ei fod yn dioddef o glefyd Alzheimers; hyn oll er bod Real Madrid wedi teithio i Budapest i godi arian i dalu biliau meddygol eu cyn chwaraewr ac i geisio sicrhau ei fod yn cael y gofal gorau posib. Wedi'r gêm rhwng Real Madrid ac XI Rhyngwladol o flaen torf o 40,000, cafodd Real Madrid ffi o £892,000, tra bo gwraig Puskas, Elizabeth, wedi derbyn £7,000 tuag at giostau meddygol ei gwr.

Sawl blwyddyn yn ôl, darllenais y llyfr Puskas on Puskas ac rwyf wedi ei dyrchu allan er mwyn ei ddarllen unwaith eto - Heddwch i lwch gwir arwr y byd pêl-droed.

Labels: , , ,

Ace of Spades Teams

15.11.06
Mae tîm pêl-droed dan-10 o Sir Lincoln wedi sicrhau nawdd dra gwahanol wrth i'r rocyrs enwog, Motorhead, gytuno i brynnu crysau i'r tîm.

Labels: ,

Noson dda yn Wrecsam

Mae'n rhaid mi gyfaddef mod i wedi poeni na fyddai cefnogwyr pêl-droed yn gogledd yn troi allan ar gyfer y gêm gyfeillgar â Liechtenstein. Roedd pob math o sibrydion mai 700 o docynnau yn unig oedd wed eu gwerthu ac mai ychydig droes fil oedd y Gymdeithas Bêl-droed yn digwyl i'r Cae Ras.
Ond mae'n amlwg nad oes genyf ddigon o ffydd, gan er mai gêm dibwys yn erbyn tîm sydd rif 161 ar restr Fifa oedd hon, roedd 8,752 ar Y Cae Ras neithiwr.

Ar y maes, cafwyd perfformiad canmoladwy iawn gan Gymru. Roedd dwy gôl odidog Jason Koumas werth pris y tocyn ar ben eu hunain a chafwyd perfformiad ac ymateb campus gan Steve Evans ar ei ymddangosiad cyntaf dros ei wlad - roedd yn braf gweld chwaraewr rhyngwladol yn cymeradwyo pob cornel o'r stadiwm cyn gadael am ei gawod!

Yr unig beth sydd yn creu rhwystredigaeth yw diffyg Craig Bellamy i greu neu sgorio mwy o goliau. Mae ei ddawn yn amlwg ac fe berodd loes i Liechtenstein drwy'r nôs, ond er ei gyflymder a'i allu amlwg, nid oedd ei bas yn llwyddo i ganfod cyd chwaraewr hanner digon amal. Yn amlwg nid yw ei bartneriaeth yn y linell flaen gydag Earnshaw yn gweithio - roedd y ddau yn treulio cryn dipyn o amser yn cwyno am ddiffyg pas neu ddiffyg rhediad gan y naill neu'r lall. Roedd gwell dealltwriaeth rhwng Bellamy â'r eilydd, Chris Llewellyn, ond, er ei gôl hwyr, nid yw Llewellyn yn ddigon da i chwarae ar y lefel rhyngwladol.

Labels: , , , , , , ,

S4C a thîm pêl-droed Cymru

14.11.06
Mae safle we S4C yn rhoi sylw i gêm Cymru v Liechtenstein gan ddefnyddio'r llun yma:

Bechod fod pob un o'r chwaraewyr yn y llun wedi ymddeol o bêl-droed rhyngwladol!!

Labels: , ,

Cymru v Liechtenstein

12.11.06
Mae SKY yn rhedeg trêl sydd yn dweud bod Cymru v Liechtenstein yn dod yn fyw o Stadiwm y Mileniwm yng Nghaerdydd nos Fawrth ... wel dwi'n credu bydd Bryn Tomos ac Alan Parry yn unig uffernol nos Fawrth wrth i weddill Cymru wylio'r gêm ar Y Cae Ras, Wrecsam!

A thra bo gorsaf deledu Uncle Rupert yn gwneud coc-yp, o leiaf mae un o'i bapurau newydd yn gwybod lleoliad y gêm, ond dwi'n amau'n gryf bod y gohebydd wedi bod i'r Cae Ras yn ddiweddar:
Sunday Times 12/11/06

Labels: ,

Fydd y Dreigiau'n moli Molanga ?

7.11.06
Wedi clywed bod Denis Smith wedi arwyddo Maheta Molanga ar fis o fenthyg o Brighton & Hove Albion, es i'n syth i'r un lle mae pob cefnogwr pêl-droed yn mynd er mwyn cael manylion chwaraewyr newydd ... www.soccrbase.com
Mae'r safle yma'n fendigedig ac yn llawn pob ystadegun sydd ei hangen ar anorak pêl-droed; gemau, goliau, nifer o gardiau melyn, clybiau ... popeth.

Yn ôl soccerbase, mae Molanga wedi bod ar fenthyg ag Oldham Athletic yn barod tymor yma, felly dyma fynd i holi ambell i gefnogwr Oldham ar negesfwrdd When Saturday Comes.

Nid oedd ymateb cefnogwyr Oldham yn codi calon dyn:
"oh, dear"
"absolute joker"
"I'm glad we only signed him on loan"

oedd tri o'r sylwadau mwyaf caredig glywais!

Tydi hi ddim yn argoeli'n dda!