Blog Droed

Hynt a helynt ffan ffwtbol Cymraeg ...

Problemau? Pah!

27.9.05
'Dwi wedi cael llond bol ar yr holl nonsens sydd am Manchester United yn y wasg ar y funud. Roedd 606 yn llawn dop o gefnogwyr Manchester United yn cwyno nos Sadwrn ac mae'r papurau yn llawn straeon fod y clwb ar chwal, fod y clwb wedi chwythu ei blwc neu fod Alex Ferguson wedi ei cholli hi fel rheolwr. Pam hyn? Wel, roedd eu cefnogwyr wedi bwio wedi United golli yn erbyn Blackburn ddydd Sadwrn!

Where it all went wrong ydi'r pennawd yn y Guardian ...

The moment they turned on Fergie - the beginning of the end sydd yn yr Independent ...

... ond daliwch eich dwr ... mae Manchester United yn chwarae yng Nghynghrair y Pencampwyr heno, mae Manchester United yn chweched yn yr Uwchgynghrair ac mae Manchester United yn berchen rhai o chwaraewyr mwyaf talentog y byd pêl-droed.

Os yda chi wir eisiau gweld clwb sydd yn dioddef, dewch i'r Cae Ras lle mae Denis Smith yn gwneud gwyrthiau efo carfan fechan a llond trol o anafiadau. Ewch i wylio Caergrawnt sydd wedi colli eu statws fel clwb cynghrair yn ogystal a gweld eu maes yn cael ei werthu i wr busnes lleol er mwyn codi arian i gadw'r clwb yn fyw. Cofiwch ymweld â Boston lle mae'r cefnogwyr yn cael eu gwahardd o'r maes am leisio barn yn erbyn y cadeirydd ...

... dyma beth yw problemau, dyma beth ydi clybiau pêl-droed sydd angen eu cefnogi - nid rhyw glwb mawr sydd yn meddwl mai methiant ydi gorffen yn drydydd yn yr Uwchgynghrair tra'n cyrraedd rownd yr wyth olaf o Gynghrair y Pencampwyr.

Cymru drwodd

Llwyddodd tîm dan-17 Cymru i gyrraedd ail rownd pencampwriaethau Uefa diolch, yn bennaf, i Estonia.
Wedi trechu Estonia 2-0 ddydd sadwrn, roedd Cymru angen ffafr gan y wlad o Fôr y Baltic yn eu gêm nhw â Kazakhstan gan fod Cymru'n herio'r tîm cryfa yn y grwp, sef Y Swistir.
Wedi Cymru golli 3-0 ar Y Cae Ras cafwyd newyddion gwych fod Estonia wedi trechu Kazakhstan 2-0 ac felly'n sicrhau fod tîm Brian Flynn yn gorffen yn ail yn y grwp.

Roedd bechgyn Y Swistir yn edrych yn gryfach ac yn fwy corfforol nag unrhyw dîm arall yn y grwp ac nid oedd yn syndod eu bod wedi ennill y dair gêm. Un enw i wylio amdano ar Sgorio'r dyfodol yw Gianluca Frontino, roedd y chwaraewr athrylithgar yma'n rhedeg y sioe i'r Swistir yn y ddwy gêm weles i.

Ond, wedi dweud hynny, mae'n siwr fod nifer o chwaraewyr wedi serenu ar y lefel yma ac yna wedi diflannu heb wneud yr un argarff ar y lefel uchaf - ar gefn rhaglen y grwp roedd llun tîm dan-18 Cymru o 1999 - y tro diwethaf i dwrnament Uefa gael ei gynnal yng ghymru - a'r unig un o'r tîm i ennill cap llawn yw Robert Earnshaw, gyda nifer o'r bechgyn wedi diflannu'n gyfan gwbwl.
Y garfan adeg hynny oedd:
Lee Kendall, Mark Nicholas, Michael Fowler (Crystal Palace), Darren Moss (Caer), Jonathan Derbyshire, Lee Skelly, Geza Hajgato, Robet Earnshaw (Caerdydd), Ryan Valentine (Everton), Rhys Day (Man City), Danny Scheppel (Birmingham City), Lee Evans (Stockport), Leigh de Vulgt (Abertawe), Kevin Gall (Newcastle), Jermaine Easter (Wolves), Wayne Morley, Jamie Atwell (Tottenham Hotspur), Rhodri Jones, Matthew Williams (Man Utd), Ben Madgwick (Southampton).

Sôn am timau dan-17 ...

23.9.05
Mae Cymru'n cynnal Grwp 12 o Bencampwriaethau dan-17 Ewrop yn y gogledd Ddwyrain wythnos yma. Neithiwr roedd Cymru'n herio Kazakhstan yn Y Fflint tra bo Estonia yn herio'r Swistir yn Y Rhyl.

Methodd Cymru ddwy gic o'r smotyn wrth i 10-dyn Kazakhstan sicrhau gêm gyfartal 2-2, ac ame'n rhaid cyfaddef fod y gwyr o'r dwyrain pel yn haeddu'r pwynt. Yna yn hwyrach ymlaen yn y noson cafodd Estonia grasfa gan Y Swistir o 5-1 gyda'r Swistir yn profi mai nhw yw'r tîm i'w curo yn y grwp yma.

Gemau
Dydd Gwener
Cymru 2-2 Kazakhstan
Estonia 1-5 Y Swistir

Dydd Sadwrn
Kazakhstan v Y Swistir (2:30pm, Y Fflint)
Cymru v Estonia (5:00pm, Y Rhyl)

Dydd Llun
Cymru v Y Swistir (7.00pm, Wrecsam)
Estonia v Kazakhstan (7.00pm, Y Fflint)

Oriel Luniau Ar y Marc

Cefnogwyr Y Gambia'n cyrraedd!

22.9.05
Bu rhaid i llond awyren o gefnogwyr Y Gambia fod yn gyfrwys iawn er mwyn sicrhau eu bod yn cyrraedd gêm tîm dan-17 y wlad mewn pryd.

BBC Americas

Dim prima donas yn Wrecsam

19.9.05
Mae yna erthygl ddifyr yn y Times heddiw yn sôn am y gwahaniaeth rhwng chwaraewyr cyfoethog yr Uwchgynghrair a chwaraewyr Wrecsam

Times

Tic arall ...

18.9.05
Bues i'n y Matchroom Stadium (aka Brisbane Road) ddoe, maes Leyton Orient, felly dyna un arall i'w ychwanegu at restr y 92 clwb. Mae Brisbane Road yn faes od, gan fod Barry Hearn, sydd berchen y clwb, wedi gwerthu pedair cornel y maes er mwyn adaeiladu fflatiau ac ar hyn o bryd, nid oes eisteddle tu ôl i un o'r goliau.
Ac yn y rhaglen ddoe, roedd Martin Ling, rheolwr yr Os yn beirniadu eu cefnogwyr am beidio creu awyrgylch yn y stadiwm ... mae'n rhaid cyfaddef byddai'n anodd creu awyrgylch mewn stadiwm sydd ond â thair ochr a sydd â fflatiau'n cael eu hadeiladu ar bedair cornel y maes!

Clwb 92

Well na mynd i Bucharest?

16.9.05
Buasai wedi gallu bod yn waeth i'r 100 o gefnogwyr Everton fethodd cael awyren i Bucharest ar gyfer y gêm yng Nghwpan Uefa ... 'sa nhw wedi gallu bod yn y gêm!

Daily Post

Gyda llaw - oeddech chi'n gwybod fod gan Everton noddwyr newydd? Easyjet - i fewn ac allan o Ewrop mewn ychydig oriau!

diolch i dyl ar maes-e am honna

Viking yn ennill

15.9.05
Llwyddodd Viking, drechodd Y Rhyl yn y rownd blaenorol, i guro Austria Vienna 1-0 yn y cymal cyntaf o rownd gyntaf Cwpan Uefa

uefa.com

Dim diddordeb

Mae yna ddiffyg diddordeb protestio yn erbyn cadeirydd a rheolwr Mansfield yn ôl un protestiwr:

yellows.co.uk

Teulu Fifa'n tyfu

13.9.05
Cafodd Ynysoedd y Comoros a Dwyrain Timor eu derbyn yn aelodau o Fifa yn ystod cynhadledd flynyddol corff llywodraethol pêl-droed ddydd Llun.

Bellach mae gan Fifa 207 aelod - dim ond 191 sydd yn aelodau o'r Cenhedloedd Unedig!

Fifa.com

Saethu chwaraewr

Mae chwaraewr yn Yr Ariannin wedi ei anafu'n ddifrifol wedi iddo gael ei saethu gan blismon yn ystod brwydro ffyrnig rhwng dau set o gefnogwyr.
Cafodd Carlos Ezcurra ei anafu wrth i gefnogwyr San Martin ymladd â chefnogwyr Godoy Cruz yn ninas Mendoza.

BBC News

AZ 69

12.9.05
Mae AZ 69 yn barod i herio am brif wobr Fantasy Football safle Uefa. Rwyf wedi cystadlu am dair blynedd bellach a llynedd llwyddais i orffen ymysg y 2,000 uchaf drwy Ewrop - awê wrth geisio cyrraedd y 1,000 uchaf eleni!



uefa.com

Champions Challenge

Gan fod grwpiau Cynghrair y Pencampwyr yn cychwyn wythnos yma, mae cwis ar safle we uefa lle mae modd ennill tocynnau ar gyfer gêm o'ch dewis chi.

Yn anffodus, mae angen lot fawr o swotio arna'i os ydw i am ennill!



uefa.com

Fy marn ...

Reit, rwyf wedi cael cyfle i ddad-flino erbyn hyn ac mae'n rhaid mi ddweud fy mod yn eithaf hapus â'r hyn sydd yn digwydd â'r tîm cenedlaethol.
Oce, rydym wedi colli pedair gêm gystadleuol o'r bron o dan Tosh, ond yn y dair gêm ddiwethaf rydym wedi colli:
a) yn erbyn Awstria diolch i gamgymeriad yn y funud olaf gan ein golwr
b) yn erbyn Lloegr diolch i'r bêl dasgu oddi ar Danny Gabbidon ac i'r rhwyd
c) yn erbyn Gwlad Pwyl diolch i gic o'r smotyn

Roedd y perfformiad yn erbyn Lloegr yn 100 gwaith y perffrmiad gafwyd yn Old Trafford a roedd ein perfformiad allan yng Ngwlad Pwyl yn hynod broffesiynol o gofio mai'r Pwyliaid yw'r tîm gorau yn y grwp.
Mae chwaraewyr ifanc, megis Richard Duffy, Joe Ledley, Sam Ricketts, Craig Davies yn ogystal a'r chwaraewyr sydd yn cael eu hystyried yn brofiadol fel Danny Gabbidon, Simon Davies a James Collins yn argoeli'n dda ar yfer y dyfodol.

Rwy'n edrych ymlaen yn arw at Ewro 2008 ...

Cymry'n cefnogi Norn Iron

9.9.05
Dyma fideo o gefnogwyr Cymru yng Ngwlad Pwyl nos Fercher wedi'r newyddion gyrraedd fod Gogledd Iwerddon wedi sgorio yn erbyn Lloegr.

Gwlad Pwyl v Cymru

Dwi'n caru pom-poms

Dyma'r peth gorau oedd ar y maes yng Ngwlad Pwyl nos Fercher:

Dwi'n ôl ...

... wedi wythnos i ffwrdd yng Nhaerdydd, Krakow a Warsaw.
Lluniau, barn a malu cachu i ddilyn ...

Peidiwch yfed Tetley's

1.9.05
Mae poster bragdy sy'n annog Cymry i gefnogi Lloegr wedi gwylltio cefnogwyr pêl-droed ym Mhenygroes.

Ar boster sydd yn dangos lluniau o chwaraewyr Lloegr a baner St Sior, mae'r geiriau:
"Your country needs you"

A hyn i hysbysebu gêm Lloegr yn erbyn Cymru!

BBC Cymru'r Byd

Cyn seren Wrecsam i Dallas

Mae Mark Wilson, un o'r chwaraewyr gorau i mi weld ar fenthyg â Wrecsam, wedi ymuno â FC Dallas yn yr MLS.

Houston Chronicle